Ýaqyt beldeýin aýystyrýdyń saldary týraly zertteý nege aıaqsyz qaldy

ASTANA. KAZINFORM — Ǵylym jáne joǵary bilim mınıstri Saıasat Nurbek ýaqyt beldeýin aýystyrýdyń saldary týraly zertteýdiń aıaqsyz qalǵanyn túsindirdi.

часовой пояс часы
Фото: pixabay.com

— Ýaqyt beldeýin ózgertýdiń qazaqstandyqtarǵa áserin zertteý úshin bólinýi kerek bolǵan 60 mln teńge nege ıgerilmeı qaldy, — dep surady jýrnalıst Úkimet otyrysynan keıin.

Mınıstrdiń aıtýynsha, bul másele boıynsha arnaıy zertteý júrgizýdiń qajeti joq degen sheshim qabyldanǵan.

— Biz oǵan qajet qarajatty maqsatty qarjylandyrý aıasynda saldyq. Bul — úsh jylǵa beriletin uzaq merzimdi grant. Úsh jyl eshkim kútpes edi dep oılaımyn. Zertteý degen tym uzaqqa sozylatyn dúnıe. Túrli mınıstrliktegi áriptesterimizben osy másele boıynsha aqyldasqan kezde qolymyzǵa kúndelikti túsip jatatyn derekterdiń negizinde zertteý týraly usynys aıtyldy. Densaýlyq saqtaý mınıstrligi klınıkalyq derekterdi, Energetıka mınıstrligi men ákimdikter halyqtyń elektr qýatyn tutyný kórsetkishteri týraly derekterdi. Ónerkásip jáne qurylys mınıstrligi kásiporyndardyń elektr tutyný kórsetkishterin berdi degendeı, — dedi ol.

Atalǵan vedomstvolar júrgizgen monıtorıngterdiń derekteri endi Májiliste talqylanbaq.

— Osyndaı derekter turǵanda úsh jyl boıy jeke zertteý júrgizýdiń qandaı qajeti bar? Endi osy derekterdi Májiliske de beremiz. Sondyqtan úsh jyl kútýdiń, oǵan bola bıýdjetten arnaıy aqsha bólýdiń qajet joq degen sheshim qabyldandy, — dedi Saıasat Nurbek.

Atalǵan Úkimet otyrysynda Saýda jáne ıntegratsııa mınıstri Arman Shaqqalıev eldiń birneshe óńirinde jumys ýaqyty alǵa jyljytylýy múmkin ekenin aıtty

Сейчас читают