Ýaqyt beldeýin aýystyrý elektr qýatyn belsendi tutynatyn kezeńdi bir saǵat uzartady - KEGOC basshysy

ASTANA. KAZINFORM – KEGOC aktsıonerlik qoǵamynyń basqarma tóraǵasy Nábı Aıtjanov ýaqyt beldeýin biryńǵaı júıege aýystyrý elektr tapshylyǵyna qalaı áser etetinin aıtty.

«Naýryzda elimizde biryńǵaı ýaqyt beldeýi engizilmekshi. Bul energetıkalyq júıege qalaı áser etedi. Tapshylyq azaıa ma, kóbeıe me?» - dep surady jýrnalıst brıfıngide.

Nábı Aıtjanov bul ózgeristiń energetıkalyq júıege áseri bolatynyn rastady.

«Shyn máninde ol sonshalyqty áser etpeıdi. Iá, elektr qýatyn tutyný kólemi kishigirim mólsherde ulǵaıady. Óıtkeni «chas-pık» kezeńge qosymsha saǵat qosylady. Durysy, elektr qýatyn belsendi tutynatyn kezeń qosymsha bir saǵatqa uzarady. Bizdiń júıe oǵan daıyn. «Chas-pık» kezeńinde elektr qýatyn tutyný kishigirim mólsherde kóbeıedi», - dedi KEGOC basshysy.