Ýaqyt beldeýi. Almaty jańa jumys kestesine kóshe me

ALMATY. KAZINFORM — Almaty ákimdigi qalanyń jumys kestesine qatysty aıtty.

Osydan eki kún buryn Úkimet otyrysynda Saýda jáne ıntegratsııa mınıstri Arman Shaqqalıev eldegi biryńǵaı ýaqyt beldeýine qatysty zertteýdiń qorytyndysyn jarııalady.

Shyǵys Qazaqstan oblysynyń birqatar aýdanynda (Katonqaraǵaı, Marqakól, Úlken Naryn, Zaısan, Tarbaǵataı, Samara, Kúrshim) turǵyndar tarapynan qoldaý taýyp, jumys kestesi 8:00–den 17:30 (keshki bes jarymǵa) deıin ózgertildi. 

Mınıstr qajet bolǵan jaǵdaıda, osyndaı tájirıbeni jergilikti atqarýshy organdar basqa óńirlerde de qoldanýǵa múmkindigi bar ekenin jetkizgen edi. 

Osyǵan baılanysty Kazinform agenttigi Almaty ákimdigine saýal joldaǵan bolatyn.

— Jańa jumys kestesine kóshý máselesi qarastyrylyp jatqan joq, — dep jaýap berdi qala ákimdigi.

Eske salsaq, buǵan deıin Katonqaraǵaı aýdanynda jumys ýaqyty bir saǵatqa keri shegerilgeni habarlanǵan. 

Keıin taǵy birneshe aýdanda jumys ýaqyty ózgertildi. 

12 naýryz kúni Altaı jáne Ulan aýdandarynda da jumys ýaqyty saǵat 08.00-de bastalatyndyǵy týraly jazǵanbyz.

Búgin Shyǵys Qazaqstan oblysyndaǵy Glýbokoe jáne Shemonaıha aýdandarynda jumys ýaqyty bir saǵatqa shegerildi. 

Aıta keteıik, ǵalymdar ýaqyt beldeýin ózgertýdiń keri áserin dáleldese, kim jaýapty bolatynyn jazǵanbyz.