Ýákiletti organ 254,4 mln teńgeniń kelisimshartyn buzýǵa negizsiz tapsyrma bergen

AQTAÝ. QazAqparat - Mańǵystaýda kásipkerlerdi negizsiz ustaýǵa, tintýge, aqparat alýǵa jol bermeý maqsatynda qyzmetkerlerdiń is-áreketterine baqylaý kúsheıedi. Bul týraly óńirdegi sybaılas jemqorlyqqa qarsy is-qımyl departamenti basshysynyń birinshi orynbasary Qýanysh Myrzaǵalı aıtty, dep dep habarlaıdy QazAqparat.

Spıkerdiń málimetinshe, bıznes ókilderin qylmystyq orbıtaǵa negizsiz tartýǵa erekshe mán berilýde.

«Kásipkerlerdiń quqyqtaryn qorǵaý boıynsha bir mysal aıtsam, oblystyq Іshki memlekettik aýdıt departamentiniń «Kolsaı Stroı» JShS-na qatysty zańsyz áreketteri anyqtaldy. Departament Jarmysh aýylynyń sýqubyryn jóndeý boıynsha 254,4 mln teńgelik kelisimshartty buzýǵa negizsiz tapsyrma bergen. Kásipker ýákiletti organ basshylyǵynyń qatysýymen jeke qabyldanyp, bul másele ońtaıly sheshimin tapty», - dedi Qýanysh Myrzaǵalı.