Ýaǵyzshy Daryn Múbarov ákimshilik jaýapkershilikke tartyldy

QARAǴANDY. QazAqparat - Qaraǵandyda zańsyz mıssıonerlik qyzmetpen aınalysqan psevdosalafıttik ýaǵyzshy Daryn Múbarov ákimshilik jaýapkershilikke tartyldy, dep habarlaıdy «QazAqparat» HAA tilshisi, oblystyq din isteri basqarmasyna silteme jasap.

2017 jyldyń qazanynda júrgizilgen dinı saraptama qorytyndysy boıynsha, Qaraǵandy ákimdigi Daryn Mubarovtyń zańsyz mıssıonerlik qyzmetine qarsy talap-aryz bergen bolatyn.

Atalmysh aryzǵa sáıkes, Qaraǵandy qalasynyń aýdanaralyq mamandandyrylǵan soty QR Ákimshilik quqyz buzýshylyq týraly Kodekstiń 490-baby 3-bóligi boıynsha Daryn Múbarovty jaýapkershilikke tartty. Alaıda, ýaǵyzshynyń qorǵaýshylary sot sheshimine appelıatsııalyq shaǵym túsirip materıaldardy psıhologııalyq jáne fılologııalyq saraptamadan ótkizý týraly talap jasady.

4 qańtarda ótken saraptama nátıjesi boıynsha oblystyq sot aýdanaralyq sottyń sheshimin ózgertken joq.

Sheshimge sáıkes, D Múbarov endi 70 AEK kóleminde aıyppul jáne 112348 teńge kóleminde protsessýaldyq shyǵyndardy tóleýge mindetti.