Ǵalymdar áıgili «Aport» sortyn qaıta jańǵyrtpaq

ALMATY. KAZINFORM — Almaty oblysynda áıgili «Aport» baqtaryn otyrǵyzý bastalmaq. Bul týraly QR Aýyl sharýashylyǵy mınıstrligi málim etti.

ҰАҒББО ғалымдары әйгілі «Апорт» сортын қайта жаңғыртпақ
Фото: ҚР АШМ

2025-2028 jyldarǵa arnalǵan joba 25 myń kóshet ósirýdi jáne 110 gektar alqapta alma baqtaryn otyrǵyzýdy kózdeıdi. Qazirgi tańda joba tolyq qarjylandyrylyp, Qazaq jemis-kókónis sharýashylyǵy ǵylymı-zertteý ınstıtýty qyzmetkerleri Jol kartasyn iske asyrýǵa kiristi.

— Biz bul sortty jańǵyrtý otandyq baý — baqsha sharýashylyǵyn damytýdaǵy mańyzdy qadam bolatynyna jáne qazaqstandyqtardy sapaly ári dámdi jemistermen qamtamasyz etýge múmkindik beretinine senimdimiz, — dep atap ótti UAǴBBO ókilderi.

Jańa baqshalardan alǵashqy ónim segiz jyldan keıin alynady dep kútiledi. Ǵalymdar zamanaýı agrotehnologııalardy eskere otyryp, ónimdilik alǵashqy kezeńderinde bir aǵashqa 57,7 kg jáne eresek aǵashqa 100 kg deıin jetetinine senimdi.

UAǴBBO ǵalymdary áıgili «Aport» sortyn qaıta jańǵyrtpaq
Foto: QR AShM

«Aport» tek erekshe dámimen ǵana emes, sonymen qatar uzaq saqtalatyn jemis, osynyń arqasynda alys-jaqyn eldi-mekenderge ońaı tasymaldaýǵa bolady. Zamanaýı tehnologııalardy qoldaný arqyly Aportty maýsym aılaryna deıin saqtaýǵa múmkindik bar.

Mamandardyń pikirinshe, Aporttyń qaıta jandanýy sharýa qojalyqtarynyń damýyna jańa múmkindikter ashyp, aýyl sharýashylyǵy salasyna ınvestıtsııa tartýǵa múmkindik beredi.

Eske sala keteıik, saıtymyzda jaryq kórgen «Ańyzǵa aınalǵan Almaty aportynyń búgingi jaı-kúıi qalaı» atty sholý maqalamen tanysa alasyz. 

Сейчас читают