UAE SWAT Challenge: Qazaqstandyq arnaıy jasaq halyqaralyq týrnırde úzdik ondyqqa endi
ASTANA. KAZINFORM — Birikken Arab Ámirlikteriniń Dýbaı qalasynda ótip jatqan UAE SWAT Challenge halyqaralyq týrnıriniń birinshi kúninde Qazaqstannyń arnaıy jasaq komandalary sátti óner kórsetti.
Jarysqa 48 elden arnaıy jasaqtardyń 109 komandasy qatysyp jatyr. Birinshi kúnniń qorytyndysy boıynsha qazaqstandyq tórt komanda da úzdik ondyqqa endi.
Týrnırde Qazaqstan S komandasy kósh bastap tur, Qazaqstan D — ekinshi orynda. Qazaqstan V komandasy tórtinshi orynda bolsa, Qazaqstan A komandasy — onynshy orynda.
Qazaqstandyq «Tomiris» áıelder quramasy jalpy esepte 20-shy orynda. Olar týrnırde áıelder komandalary arasynda kósh bastap tur.
Memlekettik organdardyń arnaıy jasaqtarynan quralǵan 5 qurama komanda 11 aqpanǵa deıin óner kórsetedi. Bir tý astyna QR Memlekettik kúzet qyzmeti, QR Ulttyq qaýipsizdik komıteti, QR Іshki ister mınıstrligi arnaıy maqsattaǵy bólimsheleriniń úzdik jaýyngerleri birikken.
Eske salaıyq, bıyl elimizde 20-dan astam iri halyqaralyq jarys ótedi.