«Ýáde»: Televızııalyq debattyń tórtinshi kezeńi túıindeldi
ASTANA. KAZINFORM – Jibek Joly telearnasynda Quryltaı saılaýyna qatysatyn jeti saıası partııa ókilderiniń alǵashqy komandalyq teledebatynyń sheshýshi kezeńi máresine jetti.
«Ýáde» dep atalatyn kezeńde árbir partııa ókili Quryltaıǵa saılanǵan jaǵdaıda atqarylatyn istiń anyq-qanyǵyn baıandady. Belgilengen 2 mınýt ishinde saıası uıymdardyń aldaǵy jospary, bes jylǵa josparlanǵan mindetter tarqatyldy.
«Aq jol» partııasy salyq júıesin ilgeriletýge, sybaılas jemqorlyqpen kúresti damytýǵa, nesıe men ádil saılaý júıesin jáne jastardy baspanamen qamtýǵa ýáde berdi.
JSDP Quryltaıǵa ótse, áıelder quqyǵyn qorǵap, zań ústemdigin nyǵaıtýǵa bekip otyr.
«Ádilet» partııasy jemqorlyqpen kúresýge, 1 mln jumys ornyn qurý, 95 paıyz eńbek shartyn elektrondy formatqa kóshirýge, sot júıesin tsıfrlandyrýǵa sóz berdi.
Qazaqstan Halyq partııasy sot júıesine jasandy ıntellekttini engizýge, tegin zań kómegin qamtamasyz etýge, polıtsııa qyzmetin reformalaýǵa jáne jasóspirimder qylmysyn azaıtýǵa talpynbaq.
«Aýyl» partııasy aýyldardyń ınfraqurylymyn jaqsartýǵa, sharýalarǵa qoldaý bildirýge, eńbek adamyn kóterýge jáne dástúrli otbasy qundylyǵyn nasıhattaýǵa kúsh salatynyn málimdedi.
«Baıtaq» partııasy sóz bostandyǵyn qamtamasyz etýge, ortasha jalaqyny kóterýge, kópbalaly analarǵa tólenetin áleýmettik tólemdi arttyrýǵa, ekologııalyq mádenıetti jetildirýge kirispek.
Respublica partııasy áıelder quqyǵyn qaperde ustaýǵa, halyqtyń qaýipsizdigin qamtamasyz etýge, kásipkerlerdi qoldaýǵa bel sheship kirisetinin habarlady.
Buǵan deıin ekinshi kezeńinen keıingi saýalnamanyń aralyq nátıjesin jarııaladyq.
Sonymen qatar teledebattyń úshinshi kezeńinde partııalar bir-birine suraq qoıdy.
