U20: Erkin kúres sheberi Bekasyl Asambek Slovakııada kúmis júlde aldy
ASTANA. KAZINFORM – Qazaqstandyq balýan Bekasyl Asambek Slovakııanyń Bratıslava qalasynda ótip jatqan U20 álem chempıonatynda kúmis júldege ıe boldy, dep habarlaıdy Ulttyq olımpıada komıteti.
Komıtet máimetterine qaraǵanda, otandasymyz 61 kelige deıingi salmaqta el namysyn qorǵady. Fınalda ol AQSh ókili Aaron Djeıms Seıdelmen jolyqty. Beldesýdiń qorytyndysy boıynsha amerıkalyq balýan jeńiske jetti.
Sondaı-aq 86 kelige deıingi salmaqta Ashab Hadjıev qola júlde úshin ótken beldesýde japonııalyq Natsýra Okadzavaǵa jol berdi. Osylaısha, erkin kúresten Qazaqstan quramasynyń qorjynynda bir kúmis medal bar.
Osyǵan deıin Bekasyl Asambektiń álem chempıonatynda aqtyq synǵa shyqqanyn jazǵan edik.
