U20 álem chempıonaty: Qazaqstannyń eki balýany jubanysh beldesýine shyǵady
ASTANA. KAZINFORM — Slovakııanyń Bratıslava qalasynda kúres túrlerinen U20 jas sanatyndaǵy álem chempıonaty bastaldy, dep habarlaıdy UOK baspasóz qyzmeti.
Alǵashqy jarys kúniniń nátıjesinde eki qazaqstandyq balýan jubanysh beldesýinde kúresýge múmkindik aldy.
77 kelige deıingi salmaqta Erkebulan Anapııa jubanysh beldesýinde Grekııa ókili Adamantıos Papadatospen ózara myqtyny anyqtaıdy.
Sondaı-aq Bahtııar Kazıev 130 kelige deıingi salmaqtyń jubanysh beldesýinde qytaılyq Chenmao Tsýımen kezdesedi.
Buǵan deıin Qazaqstan kúresten Túrkııadaǵy halyqaralyq týrnırde úsh medal jeńip alǵanyn jazǵan bolatynbyz.
