U. Sádibekov: Adam quqyǵy bala quqyǵyn qorǵaýdan bastalady

ASTANA. QazAqparat - Búgin oblys ákiminiń orynbasary Ulasbek Sádibekovtyń tóraǵalyǵymen kámeletke tolmaǵandardyń isi jáne olardyń quqyǵyn qorǵaý jónindegi qomıssııanyń otyrysy ótti, dep habarlady oblys ákiminiń baspasóz qyzmeti.

Jıynǵa oblystyq komıssııa músheleri, oblystyq prokýratýra, Ádilet departamenti men OQO ІІD jergilikti polıtsııa qyzmetiniń ókilderi, oblystyq basqarma basshylary qatysty.

Kún tártibinde áleýmettik jetimdikti jáne kámeletke tolmaǵandardyń quqyǵyn qorǵaý jáne olardyń arasyndaǵy quqyq buzýshylyqtyń aldyn alý men balalardyń jazǵy demalys kezinde bos ýaqytyn tıimdi ótkizýi maqsatynda lagerlermen qamtylýy týraly 3 másele qaraldy. Ásirese jazǵy demalys kezinde balalardyń sabaqqa deıin tolyqqandy demalysýy jaǵdaı jasaý barlyq jergilikti bılik organdarynyń basty paryzy ekeni atalyp ótti. Sonymen qatar, olardyń kóshede bos sendelip júrip, ártúrli quqyq buzýshylyqqa urynbaýyna tıisti múddeli uıymdarmen qatar ata-analary jaýapty ekendigi de basa aıtyldy.

Májiliste oblystyq bilim basqarma basshysynyń mindetin atqarýshy E.Burhanov, oblystyq jumyspen qamtýdy uılestirý jáne áleýmettik baǵdarlamalar basqarmasynyń basshysy Á.Temirbaeva, OQO ІІD Jergilikti polıtsııa qyzmeti bastyǵynyń orynbasary M.Zulpyharovtyń baıandamalary tyńdaldy.

Baıandamashylardy tyńdaǵan U.Sádibekov adam quqyǵy, bala quqyǵyn qorǵaýdan bastalatynyn aıtyp, birqatar máseleler boıynsha jaýapty sala basshylaryna naqty tapsyrmalar berdi.