«Úki» kúmis monetasy «Moneta shoqjuldyzy» halyqaralyq baıqaýynda júldeger boldy

ALMATY. QazAqparat-«Úki» kollektsııalyq monetasy «Moneta shoqjuldyzy» halyqaralyq baıqaýynda kórermen kózaıymy júldesine ıe boldy, dep habarlaıdy QazAqparat tilshisi.

Qazaqstan Ulttyq banki «Moneta shoqjuljyzy-2020» HІV baıqaýynyń qorytyndysy týraly habarlady. Internet arqyly jınalǵan daýys nátıjesinde «Kórermen kózaıymy júldesi» nomınatsııasynda Qazaqstannyń «Úki» kúmis monetasy jeńiske jetti.

Ártúrli elderdiń turǵyndary arnaıy portalǵa kirip, 15 qazan men 15 jeltoqsan aralyǵynda daýys bergen bolatyn.

Bıylǵy baıqaýǵa 17 elden 26 qatysýshy óz monetalaryn usynǵan.

Olardyń arasynda Qazaqstan, Reseı, Latvııa, Qyrǵyz Respýblıkasy, Polsha, Vengrııa sııaqty basqa da elderdiń ortalyq bankteri bar.

Budan ózge Lıhtenshteın, Avstralııa, Italııa, Nıderland, Frantsııa, Lıtva, Belgııanyń moneta saraılary, sondaı-aq Numiartis (Germanııa), Power Coin (Italııa) jáne Allcollect GmbH (Germanııa) sııaqty moneta dıstrıbıýterleri jumysyn usyndy.

«Moneta shoqjuldyzy» degenimiz Reseı aýmaǵynda ótetin jáne estelik monetalarǵa arnalǵan jalǵyz halyqaralyq baıqaý.

Oǵan álemniń ulttyq bankteri,moneta saraılary men moneta dıstrıbıýterleri qatysyp, monetalaryn usyna alady.