U. Qarabalın: Sońǵy 5 jylda munaı-gaz salasyna shamamen 20 mlrd. dollar shetel ınvestıtsııasy tartyldy

ASTANA. 18 qyrkúıek. QazAqparat - Sońǵy 5 jylda munaı-gaz salasyna shamamen 20 mlrd. AQSh dollary kóleminde ınvestıtsııa tartyldy. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi baspasóz máslıhatynda Munaı jáne gaz mınıstri Uzaqbaı Qarabalın málim etti.

«Táýelsizdik jyldarynda Qazaqstan ekonomıkasy 160 mlrd. dollar sheteldik tikeleı ınvestıtsııa tartyldy. Sonyń ishinde 60 mlrd. dollar munaı-gaz salasyna. Sońǵy 5 jylda munaı-gaz salasyna shamamen 20 mlrd. dollar shetel ınvestıtsııasy tartyldy», - dedi mınıstr.

Onyń sózine qaraǵanda, sonymen qatar sońǵy 20 jylda Qazaqstanda munaı óndirý 4 esege artyp, 80 mln. tonnaǵa qol jetkizildi.

«Bul kórsetkish boıynsha álemde 17-shi oryndamyz. Al gaz boıynsha 5 esege artyp, 40 mlrd. tekshe metrge jetti. Álem boıynsha 29-shy oryndamyz»,-dedi U. Qarabalın.