Ý.Chaves densaýlyǵyna baılanysty óziniń ınaýgýratsııasyn ótkizip alýy múmkin

Bul týraly Venesýela Ulttyq assambleıasynyń (parlamenti) basshysy Dıosdado Kabelo málim etti, dep habarlaıdy Bı-bı-sı.

Bul rette, Kabelonyń sózine qaraǵanda, qazan aıynda jańa prezıdenttik merzimge qaıta saılanǵan Chaves qaterlik isikti alyp tastaý boıynsha otadan keıin qalpyna kele bastady. Prezıdentke ota 11 jeltoqsan kúni Gavananyń medıtsınalyq ortalyǵynda jasaldy. Bul jyl basynan bergi tórtinshi operatsııa.

Óz kezeginde oppozıtsııa Chaves ınaýgýratsııaǵa qatysa almaǵan jaǵdaıda elde 30 kúnniń ishinde prezıdenttik saılaýdy qaıta ótkizý kerektigin aıtty.

Degenmen, Kabelo bul úndeýlerdi joqqa shyǵaryp, el prezıdentti aıyǵyp ketkenshe kútetindigin málim etti.

Buǵan deıin Ulttyq assambleıa tóraǵasy el konstıtýtsııasyna sáıkes, 10 qańtar kúni parlament aldynda memleket basshysynyń ınaýgýratsııasyn ótkizý múmkin bolmaǵan jaǵdaıda, onyń Joǵarǵy sot aldynda ant qabyldaý rásimin aýystyrý múmkindigi barlyǵyn aıtqan bolatyn. Biraq eldiń negizgi zańynda naqty data kórsetilmegen.