TJ rejımi jarııalanǵan Almaty oblysynda ózen arnasy keńeıtilip jatyr
QONAEV. KAZINFORM — Almaty oblysynda sel qaýpine baılanysty profılaktıkalyq jumystar júrgizilip jatyr.
2 shilde saǵat tańǵy 06:50 shamasynda Aqsaı ózeninde sý deńgeıi kóterilip, Qarasaı aýdany Janaturmys aýylyndaǵy «Karer Aksaı» JShS aýmaǵyndaǵy karerdiń soltústik-batys bóliginde topyraq shaıyldy. Sonyń saldarynan 9 jeke úıdiń turǵyndaryn ýaqytsha kóshirildi.
Bul jaǵdaıǵa baılanysty Qarasaı aýdanynda jergilikti aýqymdaǵy tótenshe jaǵdaı jarııalandy.
TJM sel qaýpi bar aýmaqta qazir qandaı jumystar atqarylyp jatqanyn naqtylady. Vedomstvo málimetinshe, óńirde TJM kúshteri men quraldary kúsheıtilgen kezekshilik rejımine kóshirilgen. Ózen arnalary men sel qaýpi bar ýchaskelerge táýlik boıy monıtorıng júrgizilip jatyr.
— Aqsaı ózeniniń arnasyn tereńdetý jáne shaıylǵan jerge kireberis jol salý jumystary jalǵasyp jatyr. Inertti materıaldardy jetkizý jáne tógý boıynsha 205 reıs oryndaldy. Ózen arnasyn keńeıtý jumystary úsh ýchaskede júrgizildi. Tereńdetilgen ýchaskeniń jalpy uzyndyǵy 140 metrdi, tereńdigi 6 metrge deıin jetedi, — dep habarlady TJM.
Jumystarǵa barlyǵy 27 adam jáne 19 tehnıka birligi jumyldyrylǵan. Gıdrologııalyq jaǵdaı turaqty.
Eske salaıyq, Qarasaı aýdanynda Aqsaı ózeni tasýynan sý jelisi zaqymdanǵan bolatyn.
Sondaı-aq «Túrgen — Asy» jolynyń sý shaıyp ketken ýchaskelerinde istelip jatqan jumystarǵa toqtaldyq.
