TJM joldardyń jabylýyna baılanysty jedel baılanys jelisin ashty

NUR-SULTAN. QazAqpara - Aýa-raıynyń nasharlaýyna baılanysty (kóktaıǵaq, qar aralas jańbyr, qarly boran, kórý múmkindigi shekteýli) TJM jáne Aqmola, Qaraǵandy jáne Pavlodar oblystarynyń TJ departamentinde «Jedel baılanys jelisi» ashyldy, dep habarlaıdy QazAqparat vedomstvonyń baspasóz qyzmetine silteme jasap.

TJM: 8 717 2 53 32 84

Aqmola oblysy TJD: 8 716 2 55 14 84

Qaraǵandy oblysy TJD: 8 721 2 51 72 23

Pavlodar oblysy TJD: 8 718 2 20 11 12.

Eske sala keteıik, 7 aqpanda túnnen bastap respýblıkalyq «Nur-Sultan-Petropavl» jolynyń jabylýyna baılanysty Nur-Sultan jáne Şýchınsk qalalarynan shyqqan kóptegen kólik jınaldy.

«TJM jáne TJD daǵdarys ortalyǵynda jedel áreket etý jáne vedomstvoaralyq ózara is-qımyldy uıymdastyrý úshin jedel shtab quryldy. Aqmola oblysy TJD jáne Nur-Sultan qalasy TJD «112» pýltine turǵyndardan aqparattyq sıpattaǵy 5 500-ge jýyq qońyraý kelip tústi, olar belgilengen tártippen pysyqtaldy.

Azamattardy aýa-raıynyń ózgerýin baqylaýǵa shaqyramyz. Daýyldy eskertý týraly habarlamany tyńdap, qajetti saqtyq sharalaryn saqtańyzdar», deıdi TJM resmı ókili Talǵat Ýálı.

Onyń aıtýynsha, qysta kólikpen alys jolǵa shyqpas buryn, aýa raıy boljamyna mindetti túrde mán bergen jón.

«Eger qatty boran bolsa, jol keptelisinde uzaq turyp qalýyńyz múmkin. Tipti jol-kólik oqıǵasyna da tap bolýyńyz yqtımal. Eger qandaı da bir eldi mekenge shuǵyl barýyńyz kerek bolsa, dittegen jerińizge kedergisiz jetý úshin temirjol kóligin paıdalanýǵa keńes beremiz.

Tómende keltirilgen qarapaıym usynymdardy oryndasańyz, boran bolǵan kezde jáne borannan keıin aman qalýǵa kóp septigin tıgizedi», dedi ol.

Qysta jolǵa shyǵar aldynda:

Muqııat aýa raıy boljamyn zerdeleńiz;

Qandaı joldar jabylýy múmkin ekenin anyqtańyz.

Aqparatty «Qazavtojol» saıtynda tolyǵymen jabyq ýchaskelerdiń kartasynan kórýge bolady. Ne bolmasa biryńǵaı telefon nómiri 1403 nemese qutqarý qyzmetiniń «112» telefon nómiri, sondaı-aq «Dármen» mobıldi qosymshasy arqyly naqtylaýǵa bolady.