TJM: Jolda qar qursaýynda qalǵan 64 kólik shyǵarylyp, 125 adam qutqaryldy
NUR-SULTAN. QazAqparat - 9 naýryzda elimizdiń avtojoldarynda aýa raıynyń nasharlaýyna baılanysty TJM aýmaqtyq bólimsheleri qar qursaýynan 64 tehnıkany shyǵaryp, 125 adamdy qutqaryp, evakýatsııalady, dep habarlaıdy QazAqparat TJM baspasóz qyzmetine silteme jasap.
TJM ahýaldyq ortalyǵynda Respýblıkalyq jedel shtab jumys isteıdi. Osyndaı shtabtar Aqmola, Soltústik Qazaqstan, Batys Qazaqstan, Shyǵys Qazaqstan j»ne Qostanaı oblystarynda jumys isteıdi.
10 naýryzda «Qazgıdromet» málimeti boıynsha 7 óńirde (Aqmola, Aqtóbe, BQO, Qaraǵandy, Qostanaı, Pavlodar jáne Soltústik Qazaqstan oblystarynda) daýyldy eskertý jarııalandy.
Qazirgi ýaqytta aýa raıynyń nasharlaýyna baılanysty (boran, qar, nashar kóriný, kóktaıǵaq) 6 óńirde respýblıkalyq avtojoldardyń 12 ýchaskesi jáne 51 oblystyq mańyzy bar ýchaskesi jabyldy, bul Aqmola, Soltústik Qazaqstan, Qostanaı, Aqtóbe, Shyǵys Qazaqstan, Batys Qazaqstan oblystarynda.
Batys Qazaqstan oblysyndaǵy beketterde 253 júk jáne jeńil avtokólik tur.
Shuǵyl jumystarǵa TJM, ІІM, jol qyzmetterinen, JAO barlyǵy 423 adam jáne 301 tehnıka jumyldyryldy.
Halyqty eskertý maqsatynda aýa raıyna qatysty 15 SMS habarlama taratyldy, «Dármen» mobıldi qosymshasy arqyly 17 habarlama jiberildi. Ýaqytyly aqparattyq-psıhologııalyq kómek kórsetý úshin óńirlerde «Jedel baılanys jelisi» isteıdi.
