TJM jylytý maýsymyna baılanysty turǵyndarǵa eskertý jasady
ASTANA. KAZINFORM- QR Tótenshe jaǵdaılar mınıstrligi jylytý maýsymynyń aldynda turǵyndardy arnaıy qurylǵylardy muqııat tekserip baryp iske qosý qajettigin eskertti.
Kúnniń sýytýymen peshterge, jylytý qazandyqtary men elektr qurylǵylaryna túsetin júkteme artady. Osyǵan baılanysty jylytý maýsymy bastalar aldynda jylytý jabdyqtarynyń, tútin murjalary men elektr symdarynyń jaramdylyǵyn tekserý qajet.
Pesh pen tútin murjasyn kúıeden tazalap, anyqtalǵan jaryqtar men aqaýlardy ýaqytyly jóndeý kerek.
Gaz jabdyǵyn paıdalanǵan kezde qosylý oryndary men jeldetý arnalarynyń jaı-kúıin tekserý qajet. Jumys istep turǵan jylytý qurylǵylaryn qaraýsyz qaldyrýǵa, qoldan jasalǵan nemese aqaýly elektr qurylǵylaryn paıdalanýǵa bolmaıdy. Peshter men jylytqyshtardyń janyna tez tutanatyn zattardy qoıýǵa bolmaıdy.
Jer úılerde peshpen jylytýǵa erekshe nazar aýdarý qajet. Peshti jaǵar aldynda tútin murjasyndaǵy tartýdyń qalypty ekenine kóz jetkizý kerek. Ot jaǵý úshin tez tutanatyn suıyqtyqtardy paıdalanýǵa bolmaıdy. Qyzyp turǵan peshtiń mańynda balalardy qaraýsyz qaldyrmaý qajet.
-Eń bastysy, úıge avtonomdy órt habarlaǵyshyn ornatý kerek. Ol tútin paıda bolǵan jaǵdaıda der kezinde dybystyq belgi berip, órtti erte anyqtaýǵa kómektesedi. Jylytý maýsymyna daıyndyq kóp ýaqytty qajet etpeıdi, alaıda órt qaýpin azaıtyp, úı men jaqyndardyń qaýipsizdigin qamtamasyz etýge múmkindik beredi,-delingen habarlamada.
Aıta keteıik, elimizdiń soltústigindejylytý maýsymy 25 qyrkúıekte bastalyp ketti.
