TJM Jambyl oblysyndaǵy jer silkinisiniń qýatyna baılanysty málimetti jarııalady
ASTANA. KAZINFORM — Naqtylanǵan aqparat boıynsha jer silkinisiniń oshaǵy Qazaqstan aýmaǵynda Almaty qalasynan ońtústik-batysqa qaraı 323 shaqyrym jerde ornalasqan.
Jambyl oblysyndaǵy sezimtaldyǵy týraly málimetter:
Eseptik qarqyndylyǵy:
- Merke aýyly 5.0 b.
- Kulan aýyly 4.4 b.
- Shý qalasy 2.6 b.
- Tole Bı aýyly 2.5 b.
- Sarykemer aýyly 2.5 b.
- Taraz qalasy 2.4 b.
- Qordaı aýyly 2.4 b.
- Asa aýyly 2.2 b.
- Moıynkum aýyly 2.0 b.
Jer silkinisi oshaǵynyń koordınattary: 42.671º s. e. 73.013º sh. b.
Tereńdigi — 5 km.
Jer silkinisiniń energetıkalyq klassy 12.3.
Magnıtýdasy MPV 5.7.
Jer silkinisinen keıin «Qazseldenqorǵaý» MM mamandary ózen arnalaryna, gıdrotehnıkalyq qurylystarǵa, sondaı-aq kóshkin qaýipti jáne sel qaýipti ýchaskelerge monıtorıng júrgizdi.
— Qosymsha JP patrýldik polıtsııa qyzmetkerleri tirshilikti qamtamasyz etý obektilerin yqtımal zaqymdaný mánine kózben sholyp qaraýdy júzege asyrady. Qazirgi ýaqytta barlyq nysandar shtattyq rejımde jumys isteıdi. Jedel áreket etý úshin Jambyl oblysy TJD jedel jelisi jumys isteýde: + 7 262 51-35-75. Osy ýaqytta 11 aqparattyq mazmundaǵy qońyraý kelip tústi, — delingen vedomstvo habarlamasynda.
TJM jer silkinisi kezindegi 10 qarapaıym qadamdy eskerýdi usyndy:
1. Jer dúmpýi kezinde úreılenbeńiz;
2. Jer silkiný kezinde lıft jáne baspaldaqpen qoldanbańyz;
3. Jıhazdan, terezeden, ary turyńyz;
4. Jasyrynatyn jerdi tabyńyz — joǵarǵy qabattarda negizgi irgeli qabyrǵalardyń buryshynda oryn alyp jasyryńyz;
5. Ǵımarattan shyǵyńyz (tómengi qabattarda); — kóp qabatty úılerde jer silkis aıaqtalǵan soń ǵımarattan shyǵyńyz;
6. Keter aldynda sýdy, gazdy, elektr qýatyn múmkindigińizshe óshirińiz;
7. Dabyl jol sandyǵyn alyńyz (aldyn ala daıyndaý qajet);
8. Elektr jelilerden, ǵımarat, aǵashtardan aýlaq bolyńyz;
9. Jer silkinýine daıyn bolyńyz;
10. Qart adamdarǵa, balalarǵa, múmkindigi shekteýli adamdarǵa kómek kórsetińiz.
Buǵan deıin Jambyl oblysynda búgindikke ekinshi ret jer silkingenin jazǵan edik.