TJM ulttyq parkterdiń, tabıǵı qoryqtardyń órtpen kúreske daıyndyǵyn tekserip jatyr
NUR-SULTAN. QazAqparat - Orman qoryn kúndelikti patrýldeý jáne tabıǵı órtterdi jedel sóndirý úshin Tótenshe jaǵdaılar mınıstrligi jáne Ekologııa, geologııa jáne tabıǵı resýrstar mınıstrliginiń avıatsııalyq tehnıkasyn ornalastyrý júrgiziledi.
Bul týraly Ortalyq kommýnıkatsııalar qyzmetinde ótken brıfıngide QR TJM Órtke qarsy qyzmet komıtetiniń tóraǵasy Nurbolat Derbisov aıtty, dep habarlaıdy QazAqparat tilshisi.
«TJM sáýir aıynan bastap ulttyq parkterdiń, tabıǵı qoryqtardyń, sondaı-aq balalardy saýyqtyrý lagerleriniń órtke qarsy jaǵdaıy men daıyndyǵyn tekserýde. Shekara mańyndaǵy yntymaqtastyq sheńberinde Reseımen shektes óńirleriniń (Astrahan, Omby, Orynbor – 2, Volgograd, Chelıabi, Novosıbırsk, Tıýmen, Qorǵan, Omby oblystary jáne Altaı ólkesi) TJM bólimshelerimen birlesip, 9 taktıkalyq oqý-jattyǵý josparlandy. Onda negizgi taktıkalyq tásilmen qatar transshekaralyq órtterdi joıý kezinde órtten qutqarý qyzmetteriniń memlekettik shekaradan jeńil ótý tártibi pysyqtalatyn bolady», - deıdi TJM-nyń Órtke qarsy qyzmet komıtetiniń tóraǵasy Nurbolat Derbisov.
Onyń aıtýynsha, eldiń ormandy dala alqaptarynda profılaktıka sharalaryn júrgizý úshin TJM-men Memlekettik órt baqylaý, Orman sharýashylyǵy mekemeleri jáne jergilikti polıtsııa qyzmeti ókilderinin turatyn mobıldi toptar quryldy.
«Bul toptar 1 sáýirden bastap 805 reıd júrgizip, 286 azamatty jaýapqa tartty», - deıdi ol.
