TJM tótenshe jaǵdaılardy eskertý jáne aldyn alý máselelerin talqylady
ASTANA. 18 mamyr. QazAqparat - Búgin QR Tótenshe jaǵdaılar mınıstri Vladımır Bojkonyń tóraǵalyǵymen tótenshe jaǵdaılardy eskertý jáne aldyn alý jónindegi vedomstvoaralyq memlekettik komıssııanyń otyrysy ótti.
Otyrysqa múddeli memlekettik ortalyq organdardyń, ulttyq kompanııalardyń ókilderi, oblys ákimderi, Astana men Almaty qalalary ákimderiniń orynbasarlary, mınıstrliktiń barlyq óńirlik bólimsheleriniń basshylary qatysty.
QR Tótenshe jaǵdaılar vıtse-mıınstri J.Smaıylovtyń aıtýynsha, 2011 jyldyń esepti kezeńinde jáne 2012 jyldyń birinshi toqsanynda oblystardyń, Astana men Almaty qalalarynyń tótenshe jaǵdaılar departamentterinde 1976, oblystyq komıssııalarda - 193, qalalyq komıssııalarda 418, al aýdandyq komıssııalarda 1368 jıyn ótip, onda tótenshe jaǵdaılardy eskertý jáne aldyn alý máseleleri jan-jaqty talqylanǵan.
Alqaly jıyn qorytyndysyna sáıkes tótenshe jaǵdaılar men oqıǵalardy barynsha azaıtý, adamdar shyǵyny men materıaldyq shyǵyndardy tómendetý maqsatynda ortalyq jáne jergilikti atqarýshy organdarǵa naqty tapsyrmalar berildi.
