TJM: Tikushaq apatynan jaraqat alǵan eki adamnyń jaǵdaıy ortasha aýyr deńgeıde

ASTANA. QazAqparat - Tótenshe jaǵdaılar mınıstrliginiń resmı ókili Rýslan Imanqulov Batys Qazaqstanda bolǵan tikushaq apatynan jaraqat alyp, aýrýhanaǵa túsken eki adamnyń jaǵdaıy týraly málimet berdi, dep habarlaıdy QazAqparat tilshisi.

«Kesheden beri ol málimetti bilýge múmkindik boldy. Bizge jaǵdaılary «orta aýyr dárejede» dep aıtty. Degenmen qazyrgi tańdaǵy naqty jaǵdaılary qandaı ekenin sol uıymnyń qyzmetkerleri, ıaǵnı, dárigerlediń ózderi aıtsa durys bolady.

Biraq biz tańerteń qońyraý shalyp bilgende orta aýyr dárejede dep aıtty», - dedi Rýslan Imanqulov vedomstvoda ótken brıfıngide.

Eske salsaq, keshe Batys Qazaqstan oblysynda «Qazavıaqutqarý» AQ-ǵa tıesili tikushaqtyń «apatty jaǵdaıda qonyp», 4 adamnyń mert bolǵany habarlanǵan bolatyn.

Búgin tańerteń TJM Batys Qazaqstandaǵy oqys oqıǵadan qaza tapqandardyń aty-jónin jarııalady.