TJM taǵy eki jylý-elektr ortalyǵyn tekseredi

ASTANA. QazAqparat – Tótenshe jaǵdaılar mınıstrligi taǵy eki jylý-elektr ortalyǵynda tekserý júrgizedi. Bul týraly vedomstvo basshysy ıÝrıı Ilın Úkimet otyrysynda aıtty, dep habarlaıdy QazAqparat tilshisi.

«Qazirgi tańda Aqtóbe, Pavlodar, Qaraǵandy jáne Mańǵystaý oblystaryndaǵy 7 ónerkásip kásiporny mınıstrliktiń baqylaýyna alynǵan. Birinshi jartyjyldyqqa arnalǵan profılaktıkalyq baqylaý jáne qadaǵalaý kestesine sáıkes «Alıýmınıı Qazaqstan» AQ-nyń №1 jylý-elektr ortalyǵynda jáne «Arselor-Mıttal Temirtaý» AQ-nyń jylý-elektr ortalyǵynda tekserý júrgiziledi», - dedi ol.

Sondaı-aq, ol birneshe ónerkásip alpaýytynda tekserý josparlanǵanyn aıtty.

«Mamyr aıynda «Aqsý ferroqorytpa zaýyty – «Qazhrom» transulttyq kompanııasy AQ fılıalynda tekserý josparlanýda.

Ekinshi jartyjyldyqqa «Nova Tsınk» JShS (Aqjal kenti), Hromtaý qalasyndaǵy «Qazhrom TUK» AQ-ǵa qarasty Donskoı taýken baıytý kombınatynyń fılıalynda, «Ekibastuz EGRES-2 stantsııasynda» tekserý josparlanǵan», - dedi mınıstr.