TJM sý tasqyny kezinde qaýipsizdik sharalaryn qatań saqtaýǵa shaqyrdy

ASTANA. KAZINFORM – Tótenshe jaǵdaılar mınıstrligi azamattardy sý tasqyny kezinde muqııat bolýǵa jáne qaýipsizdik sharalaryn qatań saqtaýǵa shaqyrady.

«Qulaqtandyrý dabylyn alǵan kezde kórshilerińizge eskertińizder, múgedek adamdar men balalarǵa kómek kórsetińizder. Nusqaýlyqty qatań oryndańyzdar. Kıim-keshek, azyq-túlik qoryn, dári-dármekti aldyn ala daıyndańyzdar. Qujattardy sý ótkizbeıtin paketke salyńyzdar. Elektr energııa kózderin toqtan ajyratyńyzdar. Gazdy óshirińizder. Peshte janyp jatqan otty sóndirińizder. Esik pen terezelerdi jabyńyzdar», - dedi TJM Azamattyq qorǵanys jáne áskerı bólimder komıtetiniń aǵa ofıtseri Erasyl Saıpash Ortalyq kommýnıkatsııalar qyzmetindegi brıfıngte.