TJM strategııalyq nysandar men qaýipti aımaqtardaǵy tótenshe jaǵdaıdy qulaqtandyrýdyń zamanaýı tehnologııasyn engizýde
ASTANA. 11 qyrkúıek. QazAqparat - QR Tótenshe jaǵdaılar mınıstrligi elimizdiń strategııalyq nysandary men qaýipti aımaqtaryndaǵy tótenshe jaǵdaılardy qulaqtandyrýdyń zamanaýı tehnologııasyn engizýde.
Bul týraly búgin Úkimet otyrysynda atalǵan vedomstvonyń basshysy Vladımr Bojko málim etti.
«Máselen, Kóksaraı sý rettegishinde bógettiń barynsha jaýapty ýchaskelerinde monıtorıng quraldary engizilgen. Medeý men Shymbulaqtyń №9 kóshkin jınaǵyshynda qar kóshkininiń jaı-kúıin baqylaýdyń avtomattandyrylǵan júıesi engizildi. Ol kóshkin júrgenge deıingi táýlikte naqtylaǵan sıpattaǵy aqparat beredi», - dedi ol.
Mınıstrdiń sózine qaraǵanda, AQSh, Qytaı, Koreıa, Reseı jáne Belarýs elderiniń tájirıbesin eskere otyryp, mınıstrlik otandyq kásiporyndarmen qazaqstandyq kásiporyndar bazasynda qulaqtandyrý júıesi apparatýralarynyń óndirisin jolǵa qoıý máselesin sheshýde.
