TJM ShYU sammıti qarsańynda qaýipsizdik sharalaryn kúsheıtedi

ANA. 4 maýsym. QazAqparat - ShYU memleket basshylary sammıti qarsańynda, 6 maýsymnan bastap Qazaqstannyń Tótenshe jaǵdaılar mınıstrliginiń barlyq bólimsheleri qyzmettiń kúsheıtilgen rejimine kóshiriledi,

dep habarlady vedomstvonyń baspasóz qyzmetinen.

«6 maýsymnan bastap is shara aıaqtalǵanǵa deıin sammıtke qatysýshylar turatyn jáne is-shara ótkiziletin oryndarda ınspektorlyq quram, órt sóndirýshiler, medıtsınalyq brıgadalar táýlik boıǵy kezekshilikti qamtamasyz etetin bolady», - delingen taratylǵan aqparatta.

Búkilálemdik ıslam ekonomıkalyq forýmyna, ShYU memleket basshylary sammıtine daıyndyq úshin IKU Syrtqy ister mınstrleriniń keńesi QR Tótenshe jaǵdaılar mınıstrliginiń jedel shtabyn qurǵan bolatyn.

Vedomstvonyń atap ótýinshe, ShYU sammıtine qatysýshylar turatyn jáne aralaıtyn nysandardyń jaı-kúıin zertteý úshin keshendi sharalar júzege asyrylmaq. Sonymen qatar QR UQK men ІІM ókilderimen birlesip, qonaqtar júretin joldardyń boıyndaǵy órt jáne jarylys qaýipi bar nysandar, jarylǵysh, ýly, hımııalyq zattar saqtaýǵa yńǵaıly oryndar zertteledi.