TJM shtaty taǵy 121 birlikke ulǵaıady
Bul týraly Májilis depýtattarynyń saýalyna Premer-Mınıstr Álıhan Smaıylovtyń jaýabynda aıtylǵan, dep habarlaıdy QazAqparat tilshisi.
«Qazaqstan Respýblıkasy Tótenshe jaǵdaılar mınıstrliginiń keıbir máseleleri týraly» Úkimettiń 2023 jylǵy 13 aqpandaǵy №122 qaýlysymen TJM lımıti 1 613 birlikke ulǵaıtyldy. Sondaı-aq, osy jyly Úkimet TJM shtat sanyn 2024 jylǵy 1 qańtardan bastap taǵy 121 birlikke ulǵaıtýdy josparlap otyr. Bir mezgilde 2025-2026 jyldarǵa qosymsha shtat sanyn bólý, onyń ishinde jańadan jumys istep turǵan órt sóndirý depolarynyń sany az órt sóndirý bólimderin nyǵaıtý, shuǵyl medıtsınalyq kómek brıgadalaryn, selden qorǵaý toptaryn, professor-oqytýshylar quramyn, sonymen qatar ónerkásiptik qaýipsizdik jáne memlekettik órt baqylaý ınspektorlaryn kúsheıtý týraly másele pysyqtalatyn bolady», - dedi Úkimet basshysy jaýabynda.
