Balany Qyzylordadan Almatyǵa sanavıatsııamen jetkizdi
ASTANA. KAZINFORM – TJM avıaborty naýqas balany Qyzylordadan Almatyǵa shuǵyl tasymaldady.
Almaty qalasynyń beıindi medıtsınalyq mekemeleriniń birinde mamandandyrylǵan medıtsınalyq kómek qajet bolǵan 2019 jyly týǵan qyz balany shuǵyl evakýatsııalaý qajet boldy.
Áýe kemesiniń bortynda balany anasy, sondaı-aq sanıtarlyq avıatsııa dárigerleri alyp júrdi. Tótenshe jaǵdaılar mınıstrliginiń ushaq ekıpajynyń jáne sanıtarlyq avıatsııa medıtsına qyzmetkerleriniń úılesimdi jumysynyń arqasynda ushý shtattyq rejımde jáne qıyndyqsyz ótti.
TJM ushaǵy Almaty áýejaıyna qondy, odan keıin qyz jedel medıtsınalyq járdem brıgadasyna mamandardyń baqylaýymen odan ári tekserý jáne emdeý úshin berildi.
Aıta ketelik TJM sanavıatsııasynyń kómegimen kókshetaýlyq kishkentaı naýqas qutqarylǵan edi.
