TJM «Rezerv» respýblıkalyq memlekettik kásipornynyń basqarma bastyǵy ustaldy
ASTANA. 20 jeltoqsan. QazAqparat - Aǵymdaǵy jylǵy 9 jeltoqsanda keshendi jedel-izdestirý sharalarynyń nátıjesinde Qarjy polıtsııasy agenttiginiń qyzmetkerleri jobalyq-smetalyq qujattamany daıyndaý boıynsha jumystardy qabyldaýǵa kómekteskeni úshin 230 myń teńge kóleminde aqshalaı qarajat aldy degen kúdikpen
QR Tótenshe jaǵdaılar mınıstrliginiń Memlekettik materıaldyq rezerv komıteti «Rezerv» respýblıkalyq memlekettik kásipornynyń basqarma bastyǵy M. Blálovty ustady.
Qylmystyq is júrgizý zańnamasyna sáıkes Blálov óz kinásin tolyq moıyndaýyna jáne jınalǵan dáleldemelerge kúmán keltirmeýine baılanysty, bul fakti boıynsha óndiris onyń kelisimimen jeńildetilgen tártipte júrgizildi.
Qylmystyq is qozǵalyp, sotqa tapsyrý úshin prokýratýra organdaryna joldandy, dep habarlady Qarjy polıtsııasy agenttiginiń baspasóz qyzmetinen.
