TJM: Respýblıka boıynsha 41 sýdan qutqarý stansysyn salý kerek

Búgin Parlament Májilisinde ótken Úkimet saǵatynda Tótenshe jaǵdaılar mınıstri Vladımır Bojko osylaı málim etti.

«Byltyrǵy jyly sýda qaza bolǵandardyń sany 1600-di qurady. Olardyń ishinde tek 3 jaǵdaı ǵana sýdan qutqarý qyzmetiniń aýmaǵynda oryn alypty. Qalǵanynyń eshqaısysynda bundaı qyzmet bolmaǵan. Sondyqtan da, respýblıka aýmaǵynda áli de 41 sýdan qutqarý qyzmetiniń stansylaryn salý qajet», - deıdi V. Bojko.

Sonymen qatar, mınıstr kadrmen qamtamasyz etý máselesin aıta kele, Kókshetaý tehnıkalyq ınstıtýty bazasynda bilim berý tapsyrysyn arttyrýǵa toqtaldy.

«Óıtkeni, bizden sheteldik mamandardy, onyń ishinde Qyrǵyzstan, Tájikstan, Aýǵanstan elderiniń mamandaryn oqytýdy qaıta-qaıta ótinip, surap jatyr», - dedi mınıstr.