TJM Prıozersk, Semeı, Kýrchatov qalalaryndaǵy jylý berý qazandyqtarynyń ótken jylǵydaı isten shyǵýyna jol bermeýdi basty nazarda ustaıdy

Bul týraly búgin Úkimettiń selektorlyq formattaǵy otyrysynda QR Tótenshe jaǵdaılar mınıstri Vladımır Bojko málim etti.

Onyń atap ótýinshe, mınıstrliktiń aýmaqtyq bólimshelerinde esepte turǵan 952 jylý berý qazandyǵynyń 672-si jóndeý jumystaryn qajet etedi. «Qazirgi ýaqytta 653 qazandyqqa jóndeý jasaldy. Bul jóndeý jumystary josparlanǵan qazandyqtardyń 97 paıyzyna teń. Astana, Almaty qalalarynda, Almaty, Aqmola, Aqtóbe, Atyraý, Jambyl, Qostanaı, Qyzylorda, Ońtústik Qazaqstan oblystarynda qazandyqtardyń daıyndyǵy 100 paıyzdy quraıdy», - dedi mınıstr.

Sonymen qatar V.Bojkonyń atap ótýinshe, ShQO, BQO, Qaraǵandy, SQO, Mańǵystaý oblystarynda jylý berý qurylǵylardyń daıyndyǵy 90-nan, 97 paıyzǵa deıin bolsa, al Pavlodar oblysynda 84 paıyzǵa ázir.

Jóndeý jumystary júrgizilip jatqan qazandyqtardyń basym bóligi osy kezeńde jylý jelilerindegi qalypty temperatýrany ustap turýǵa qaýqarly ekendigin eskertip ótken ol: «Degenmen jóndeý jumystarynyń jedel júrgizilýin qalaımyz. Óıtkeni bul jumystar merziminen keshikken jaǵdaıda qosymsha rezervtik qýat jetispeýi múmkin», - dedi.

Sóz sońynda V.Bojko mınıstrliktiń Prıozersk, Semeı, Kýrchatov qalalarynda ótken jylǵydaı qazandyqtardyń isten shyǵýy oqıǵasyna jol bermeýdi basta nazarda ustaıtyndyǵyn atap ótti.