TJM polıtsııamen birge jer úılerde reıd júrgizedi

ASTANA. KAZINFORM – Premer-mınıstr Oljas Bektenov Іshki ister jáne Tótenshe jaǵdaılar mınıstrlikterine jer úılerge órt qaýipsizdigi boıynsha reıd júrgizýdi tapsyrdy.

«Úı ıeleriniń beıqamdyǵy da jaǵdaıǵa keri áser etip otyr. Kóp adamdar aqaýy bar pesh jaǵady. Qysqa daıyndyq sharalaryna salǵyrt qaraıdy. Qarapaıym qaýipsizdik tehnıkalaryn buzyp jatady. Osyǵan baılanysty Tótenshe jaǵdaılar mınıstrligi Іshki ister mınıstrligimen jáne ákimdiktermen birlesip, jeke turǵyn úılerge reıd júrgizýdi jandandyryp, qaýipsizdik mádenıetin arttyrý boıynsha túsindirý jumystaryn júrgizýi qajet», - dedi ol.

Úkimet basshysy halyqqa órt qaýipsizdigi týraly qajetti aqparatty saýatty jetkizýdiń de mańyzdy ekenin eske saldy.

«Aqparat mınıstrligi ákimdiktermen birlesip, buqaralyq aqparat quraldary men áleýmettik jelilerde profılaktıkalyq materıaldardy translıatsııalaý máselesin pysyqtasyn. Jalpy, Tótenshe jaǵdaılar mınıstrligi jylý berý kezeńinde órttiń aldyn alý máseleleri boıynsha múddeli memlekettik organdar men ákimdikterdi tıimdi úılestirýdi qamtamasyz etýi qajet. Ákimdikter jylý berý kezeńin qatań baqylaýǵa alsyn», - dedi Oljas Bektenov.

Eske sala keteıik, buǵan deıin elimizde órt qaýipsizdigine arnalǵan aılyq aktsııa ótetinin habarlaǵan edik.