TJM ókilettiliginiń ІІM-ne berilýine qatysty túsindirme
ASTANA. QazAqparat - Qazaqstan Respýblıkasy Prezıdentiniń bastamasy boıynsha ótken Úkimettiń qaıta qurylýy aıasynda Tótenshe jaǵdaılar mınıstrliginiń fýnktsııasy men ókilettigi Іshki ister mınıstrligine berildi, ol elimizdiń azamattaryn qorǵaýdyń keshendi júıesiniń tıimdiligin kúsheıtýge múmkindik beredi. Budan ózge, osy sheshim tabıǵı jáne tehnogendik sıpattaǵy tótenshe jaǵdaılarǵa jedel den qoıýdy arttyrýǵa múmkindik beretin bolady.
Tájirıbede qutqarýshylardyń, ishki ister organdary qyzmetkerleriniń, áskerı qyzmetshilerdiń iri tótenshe jaǵdaılardy joıý kezindegi tıimdi ózara is-áreketteriniń mysaldary az emes. Atap aıtqanda, 2014 jylǵy tamyzda Jambyl oblysy Merke aýdanyndaǵy taýly jerlerde tabıǵı órtti sóndirýge TJD órt sóndirýshileri, ІІD qyzmetkerleri, Ulttyq gvardııa merzimdi qyzmet ofıtserleri, serjanttary men sarbazdary, jergilikti atqarýshy organdar men orman sharýashylyǵynyń qyzmetkerleri jumyldyryldy. Yqpaldasqan árekettiń arqasynda 119 tehnıka men 2 tikushaqty paıdalanýmen 792 adam iri orman órtin aýyzdyqtady.
Bul Qazaqstan Respýblıkasy Ulttyq gvardııasy áskerı qyzmetkershileri men ishki ister qyzmetkerleri TJ-ny joıýǵa qatysqan alǵashqy jaǵdaı emes.
Olar qutqarýshylarmen birigip turaqty túrde adamdardy qar qursaýynan, sý astynda qalýdan, apatta zardap shekken aýdandardan evakýatsııalaıdy.
Máselen, 2010 jyly Ulttyq gvardııanyń 5514 áskerı bóliminiń jeke quramy 10 kún boıy Qyzylaǵash kentinde bolǵan tótenshe jaǵdaılar saldaryn joıýǵa jáne halyqqa kómek kórsetýge qatysty.
Qazaqstan Respýblıkasy ІІM Іshki ásker áskerı qyzmetshileri 2013 jylǵy qańtarda Jambyl oblysynda qalyptasqan tótenshe jaǵdaılarǵa baılanysty apat saldaryn joıý úshin kómek kórsetýge kelgen alǵashqylardyń qatarynda boldy. Almaty quramasynan 5513 áskerı bólimi men Shymkent quramasynan 6506 áskerı bóliminiń jıyntyq jasaqtary - barlyǵy 240 adam jiberildi. Qarataý men Jańatas qalalaryna kelgen kezde kúrkeler, qalanyń halqy úshin tıisti sanıtarlyq-gıgıenalyq jabdyqtar, zardap shekkender úshin medıtsınalyq kómek jáne jylytý pýnktteri ornatyldy. Qıraǵan ǵımarattar men qurylystardy bólshekteý, kóshelerdi qulaǵan aǵashtar men qoqystan tazartý, turǵyndardy azyq-túlikpen qamtamasyz etý jáne qaýipsiz jerge evakýatsııalaý jumystary júrgizildi. Sondaı-aq ishki ásker áskerı qyzmetshileri Qaraǵandy oblysy Kókpekti aýylynda bógettiń jarylýy saldarynan týyndaǵan tótenshe jaǵdaılar saldaryn joıýǵa qatysty. Olar qutqarýshylarmen birigip adamdar men mashınalardy evakýatsııalaý, aýlalar men kóshelerdi tazartý jumystaryna jumyldyryldy.
Osy sharalardyń tıisti zańdy negizi bolǵan joq, ol biryńǵaı vedomstvo aıasynda qutqarýshylardyń, órt sóndirýshilerdiń, azamattyq qorǵaý jáne Ulttyq gvardııa kúshteriniń, ákimshilik polıtsııanyń ózara is-áreketteri arqyly júzege asyryldy.
Tótenshe jaǵdaılar, polıtsııa men Ulttyq gvardııa bólimsheleri qyzmetkerleriniń qutqarý múmkindikterin biriktirý bizdiń azamattardyń tabıǵı jáne tehnogendik sıpattaǵy tótenshe jaǵdaılardan qorǵalýyn aıtarlyqtaı kúsheıtedi.
