TJM-niń bir top bilikti mamany Batys Qazaqstan jáne Shyǵys Qazaqstan oblystaryna jiberilmek
ASTANA. 1 sáýir. QazAqparat - Tótenshe jaǵdaılar mınıstri Vladımır Bojkonyń tóraǵalyǵymen Batys Qazaqstan jáne Shyǵys Qazaqstan oblystaryndaǵy kóktemgi sý tasqynyna daıyndyq máselesin saralaǵan selektorlyq keńes ótti.
Ótken jumada bolǵan májiliske Astana, Almaty TJ departamentteri, sondaı-aq tıisti qyzmet jáne uıym jetekshileri qatysty.
«Kazgıdromettiń málimetterine silteme jasaı otyryp mınıstr óz sózinde, Almaty, Shyǵys Qazaqstan jáne Batys Qazaqstan oblystarynda kúnniń kúrt jylynatyndyǵyn, bul jaǵdaıdyń sý tasqyny qaýpin týdyratyndyǵyn atap ótti.
Keńes barysynda Shyǵys Qazaqstan jáne Batys Qazaqstan, Almaty, Atyraý, Qyzylorda oblystary TJ departamentiniń basshylary óńirlerdegi qolǵa alynyp jatqan sý tasqynynyń aldyn alý jumystary jaıly esep berdi.
Keńesti qortyndylaı kele V. Bojko, mınıstrliktiń bilikti mamandary tobyn Batys Qazaqstan jáne Shyǵys Qazaqstan óńirlerine jiberý, sondaı-aq qaýipti jaǵdaı týyndar bolsa shuǵyl qımyldaý úshin qutqarý kúshi men avıatsııany tartý jóninde tapsyrma berdi.
