TJM: Mańǵystaý oblysynda quıyndy daýyl mektepter, dámhanalar men turǵyn úılerdiń shatyrlaryn ushyrdy
ASTANA. 21 maýsym. QazAqparat - Mańǵystaý oblysy Qaraqııan aýdanynyń Jetibaı kentinde dúleı daýyldyń saldarynan kóptegen ǵımarattardyń shatyrlary kókke ushyp, gaz qubyry búlindi.
Bul týraly QR TJM baspasóz qyzmetinen habarlady.
Atap aıtqanda, №3 orta mektep (shatyrdyń 340 sharshy metr aýmaǵy), №8 orta mektep (20 sharshy metr), dámhana men 8 jekemenshik turǵyn úı (kólemi naqtylanýda) zaqymdaldy. Dıametri 59 mm quraıtyn gaz qubyry búlinip, tutynýshylar gazdan ajyratyldy. Gazben qamtý boıynsha qaıta qalpyna keltirý jumystary aıaqtaldy. Gazdy berý búgin tańerteńgi saǵat 9-ǵa josparlandy. Qurbandar men zardap shekkender joq. Oqıǵa ornynda komıssııa jumys isteýde.
