TJM mamany órttiń negizgi shyǵý sebepterin atady
ASTANA. KAZINFORM – Qysqy jylytý maýsymynda órt qaýipsizdigin saqtaý asa mańyzdy. Bul týraly QR TJM Órtke qarsy qyzmet komıtetiniń bas mamany Eldos Zııada Jibek Joly telearnasynyń «Búgin LIVE» baǵdarlamasynda aıtty.
– Jylytý maýsymy bastalǵaly beri elimizde turǵyn úı sektorynda 870 órt tirkeldi. Órtterdiń negizgi sebepteri - peshterdi durys paıdalanbaý, aqaýly peshterdi qoldaný, elektr symdarynyń aqaýy jáne otty abaısyz paıdalaný, – dedi Eldos Zııada.
Onyń aıtýynsha, aqaýly peshterge qatysty eń jıi kezdesetin máseleler - murjalardyń tazalanbaýy, jaryqtardyń bolýy, esik-qaqpaqtarynyń durys jabylmaýy, janǵysh materıaldardyń pesh mańynda saqtalýy jáne ot jaǵý úshin túrli tez janatyn suıyqtyqtardyń qoldanylýy.
– Qutqarýshylar atalǵan jaǵdaılardyń aldyn alý maqsatynda halyqpen profılaktıkalyq túsindirý jumystaryn turaqty júrgizýde, – dep atap ótti maman.
Sondaı-aq ol órt shyqqan jaǵdaıda shuǵyl túrde 101 nemese 112 nómirlerine habarlasý kerektigin eske saldy.
– Eń bastysy ózińizdiń jáne jaqyndaryńyzdyń qaýipsizdigin qamtamasyz etip, ǵımarattan dereý shyǵý qajet. Al órt sóndirý brıgadalary oqıǵa ornyna jetkennen keıin tıisti jumystardy júrgizedi, – dedi Eldos Zııada.
Eske salsaq,Túrkistan oblysynda turǵyn úıde bolǵan órtten 12 adam mert boldy.
Sonymen qatar osy tótenshe oqıǵa boıynsha qylmystyq is qozǵaldy.