TJM mamandary terek mamyǵynyń qaýipti ekenin eskertti

ASTANA. KAZINFORM - Jazdyń bastalsa, aýlalarda, trotýarlarda jáne ǵımarattardyń janynda jınalatyn terek mamyǵynan órt qaýpi kúrt artady.

Derekke qaraǵanda, ol tez tutanǵysh keledi, tipti kezdeısoq laqtyrǵan sirińke nemese temeki tuqyldary órtke ákelýi múmkin.

- Mamyqty órteý erekshe qaýip tóndiredi, ony balalar oıyn retinde qabyldaıdy. Kóbinese órt tez taralyp, kólikterge, ǵımarattarǵa jáne turǵyn úılerge aýysady, - dep jazdy vedomstvodan.

TJM keńes beredi:

• Eger siz bireýdiń mamyqty órtep jatqanyn kórseńiz, ótip ketpeı toqtap, túsindirińiz, qajet bolǵan jaǵdaıda qutqarýshylardy shaqyryńyz.
• Balalarmen sóılesińiz, otpen oınaý qaıǵyly jaǵdaıǵa ákelýi múmkin ekenin túsindirińiz.
• Úılerdiń, garajdardyń, dúkenderdiń mańyn jınalǵan mamyqtan tazartyńyz. Sý tógińiz, órtemeńiz!
• Qaýipsizdik erejelerin saqtańyz: ruqsat etilmegen jerlerde temeki shekpeńiz, qurǵaq jerler men mamyqtyń janynda ashyq ot jaqpańyz.
• Órtti sóndirýden onyń aldyn alý ońaıyraq. Beıjaı qaramańyz, terek mamyǵy birneshe sekýnd ishinde órtke ulasyp, onyń zııany orasan zor bolýy múmkin.

Aıta keteıik, BQO-da 800 mln-ǵa jýyq teńgege órtke qarsy tehnıka satyp alynbaq.