TJM mamandary kólikti órtten qorǵaý úshin ne isteý kerektigin aıtty

ASTANA. KAZINFORM - TJM mamandary kólikti órtten qorǵaý úshin qandaı sharalardy oryndaý qajettigin málimdedi.

Órt sóndirýshiler avtokólikti órtten qorǵaý úshin kólik ıelerine kelesi sharttardy oryndaý qajet ekenin eske salady:

🔹 tehnıkalyq baıqaýdan ýaqytynda ótkizý;
🔹 elektronıkany tek mamandandyrylǵan ortalyqtarda ornatý;
🔹 árqashan jaramdy órt sóndirgishti kólik salonynda ustaý;
🔹 qozǵaltqyshtyń otyn apparatýrasynyń jaramdylyǵyn baqylaý;
🔹 kólikte bógde, tez tutanatyn zattardy ustamaý;
🔹 janar-jaǵarmaı materıaldaryn tek germetıkalyq ydystarda tasymaldaý.

Aıta keteıik, órt sóndirýshiler ótken táýlikte 4 avtokóliktiń órtin sóndirdi. Oqıǵa Aqtóbe, Atyraý, Mańǵystaý jáne Pavlodar oblystarynda oryn aldy.

TJM kúshterimen 1 jeńil avtokóligi jáne 3 júk kóliginiń janýy sóndirildi, zardap shekkender joq.