TJM qyzmetkerleri eki jylda 55 sybaılas jemqorlyq qylmysyn jasady

ASTANA. QazAqparat - Sońǵy eki jylda TJM qyzmetkerleri jasaǵan 55 sybaılas jemqorlyq qylmysy tirkeldi. Bul týraly búgin Astanada Zańdylyqty,quqyqtyq tártipti jáne qylmysqa qarsy kúresti qamtamasyz etý jónindegi Úılestirý Keńesiniń otyrysynda QR Bas prokýrory Ashat Daýylbaev málim etti.

«Sońǵy eki jylda TJM qyzmetkerleri jasaǵan 55 sybaılas jemqorlyq qylmysy tirkeldi. Dál osy tektes zań buzýshylyqtar bıylǵy cáýirden bastap shaǵyn jáne orta bızneske tekserý júrgizýge Memleket basshysymen moratorıı engizý úshin alǵyshart boldy»,-dedi Bas prokýror. Belgili bolǵandaı, Aqmola, Mańǵystaý jáne Ońtústik Qazaqstan oblystarynda prokýrorlar negizsiz tekserýler júrgizýdiń kóptegen faktilerin anyqtady. «Batys Qazaqstan men Pavlodar oblystarynda budan buryn TJD tarapynan tekserýler júrgizilse de, qaýipsizdik erejelerin saqtamaýdan órttiń oryn alýy faktileri anyqtaldy. ıAǵnı TJM qyzmetkerleri bul jaǵdaılardy tıisti deńgeıde qadaǵalamaǵan»,- dedi A.Daýylbaev.