TJM qutqarýshylary UQShU-nyń arnaıy jattyǵýlaryna qatysyp jatyr

ASTANA. QazAqparat - 1-6 qyrkúıek aralyǵynda Belarýs Respýblıkasynyń aýmaǵynda UQShU-ǵa múshe memleketterdiń TJM qutqarý bólimsheleriniń birlesken arnaıy oqý-jattyǵýlary ótýde, dep habarlaıdy QazAqparat.

Qazaqstan Respýblıkasy TJM atynan Respýblıkalyq jedel-qutqarý jasaǵynyń qutqarýshylary qatysýda.

Oqý-jattyǵýlar Belarýs Respýblıkasy TJM Azamattyq qorǵaý ýnıversıtetiniń qaıta daıarlaý jáne biliktilikti arttyrý ınstıtýtynyń polıgonynda ótip jatyr. Qatysýshy elderdiń qutqarýshylary aýqymdy tótenshe saldarlardy joıý boıynsha praktıkalyq jáne teorııalyq kirispeni pysyqtaıdy. 5 qyrkúıekte ótetin avarııalyq-qutqarý jáne basqa da shuǵyl jumystardy júrgizý boıynsha oqý-jattyǵýlardyń demonstratsııalyq kezeńine daıyndalýda.

TJM qutqarýshylary qıraǵan ǵımarattarda jáne temirjol apaty kezinde qutqarý jumystaryn júrgizýdiń taktıkalyq mindetterin pysyqtaıdy. Oqý-jattyǵýlar UQShU-ǵa múshe memleketterdiń qutqarý bólimsheleriniń tótenshe jaǵdaılary týyndaǵan kezdegi ózara is-qımyldarynyńyń tıimdiligin arttyrýǵa baǵyttalǵan.