TJM qutqarýshylary jolda qalǵan 42 adamdy jylytý pýnktine jetkizdi
QARAǴANDY. KAZINFORM — Qaraǵandy oblysynyń Shet aýdany, Aqsý-Aıýly kentindegi bekette respýblıkalyq mańyzy bar avtojol qozǵalysynyń shektelýine baılanysty jolaýshylary bar 2 avtobýs toqtap qaldy, dep habarlaıdy TJM baspasóz qyzmeti.
Tótenshe jaǵdaılar mınıstrliginiń qutqarýshylary, polıtsııa qyzmetkerleri jáne jergilikti atqarýshy organnyń qyzmetkerlerimen birge jolaýshylar avtobýstaryndaǵy 42 adamdy jaqyn mańdaǵy jylytý pýnktterine ornalastyrdy. Onyń ishindegi ekeýi – bala.
Der kezinde jyly orynǵa jetkizilgen olarǵa medıtsınalyq kómek qajet bolǵan joq.
Jalpy, TJM daýyldy eskertýlerdi eskerýdi jáne aýa raıy nasharlaǵan jaǵdaıda eldi mekennen tys jerlerge shyqpaýǵa keńes beredi.
Eske sala ketsek, Almatylyq qutqarýshylar bir túnde 100-ge jýyq adamdy qutqardy.
Balqash mańynda buzylǵan avtobýstan 22 jolaýshy qaýipsiz jerge jetkizildi.
Al Aqtóbede qutqarýshylar 53 adamdy evakýatsııalady.