TJM qutqarýshylary úsh jasóspirimdi evakýatsııalady
ASTANA.KAZINFORM – Atyraý oblysynyń «112» pýltine Atyraý qalasy Zaroslyı aýylynyń mańynda ózen arqyly aralǵa ótken úsh jasóspirimniń ózdiginen jaǵaǵa qaıta almaı qalǵany týraly habarlama kelip tústi.
Oqıǵa ornyna TJM qutqarýshylary jedel túrde jiberildi.
Qaıyqtyń kómegimen olar kórsetilgen jerge jedel jetip, jasóspirimderdi qaýipsiz túrde jaǵaǵa evakýatsııalady.
Anyqtalǵandaı, jasóspirimder mingen úrlemeli qaıyq tehnıkalyq aqaýǵa baılanysty jaramsyz bolyp, ózdiginen jaǵaǵa qaıtý múmkin bolmaǵan.
Aıta ketelik Astanada qamys arasyna kirgen er adamǵa qutqarýshylardyń kómegi qajet boldy.
