TJM qutqarýshylary úsh myńdyq bıiktikten úsh adamdy evakýatsııalady

ALMATY. KAZINFORM — Keshe keshke Almaty oblysy Talǵar aýdanynda 3300 m bıiktikte ornalasqan Shymbulaq shyńynan túsip bara jatqan kezde 24-25 jas aralyǵyndaǵy úsh er adam ózderin nashar sezinip, 112 nómirine habarlasqan. 

Olar ózderi ornalasqan jeriniń koordınattaryn jiberip, qutqarýshylardyń kelýin kútti.

Medeý beketinen TJM Respýblıkalyq jedel-qutqarý jasaǵynyń izdestirý toby dereý kómekke attanyp, Bezymıannoe shatqalyna deıin kelip, ári qaraı geolokatsııada belgilengen jerge deıin jolyn jaıaý jalǵastyrdy.

Táýliktiń qarańǵy ýaqytynda taýly aımaqtaǵy týrısterdi taýyp, olardy «Shymbulaq» taýly shańǵy kýrortyna deıin aman-esen evakýatsııalady.

Aıta ketelik qutqarýshylar Almaty turǵyndaryna taýǵa shyqpaýǵa keńes aıtqan edi.