TJM qutqarýshylary ormandy alapat órtten qorǵap qaldy
PETROPAVL. KAZINFORM – Soltústik Qazaqstan oblysynyń Esil aýdanynda, Jańalyq aýylynyń mańynda ashyq aýmaqta qurǵaq shóp janyp, keıin órt Orman sharýashylyǵyna tarady, dep habarlaıdy TJM baspasóz qyzmeti.
Aldyn ala málimetter boıynsha, órttiń aýmaǵy 7,7 gektardy quraǵan. Órt jermen jyldam taraǵan.
– Órtti sóndirý jumystary qatty, ekpindi jeldiń saldarynan qıyndady. Oqıǵa ornynda shtab qurylyp, órtti sóndirýge Tótenshe jaǵdaılar departamentiniń kúshteri men quraldary, orman sharýashylyǵynyń qyzmetkerleri, jergilikti atqarýshy organdardyń ókilderi jáne erikti órt sóndirý jasaqtary jumyldyryldy, – delingen mınıstrliktiń resmı málimetinde.
Іs-qımyldardy úılestirý maqsatynda oqıǵa ornynan departamenttiń daǵdarys ortalyǵyna beınekonferentsbaılanys uıymdastyryldy. Barlyq qyzmetterdiń úılesimdi jumysynyń nátıjesinde órt sóndirildi. Zardap shekkender joq.
Aıta keteıik, naýryzda AQSh-tyń Nebraska shtatyndaǵy orman órti 324 myń gektar jerdi sharpydy.
Al Qazaqstanda orman órtin erte anyqtaý júıesine JI tehnologııalary engizilip jatyr.