TJM qutqarýshylary qar qursaýynda qalǵan 4 adamdy qutqardy
ASTANA. KAZINFORM - Shyǵys Qazaqstan oblysynda qar qursaýynda qalǵan 4 adamǵa kómek kórsetildi.
Aýa raıynyń nasharlaýyna baılanysty Shyǵys Qazaqstan oblysy Qaroı aýylynyń mańyndaǵy «Marqakól-Qaroı» tas jolynda jeńil avtokóligi joldan shyǵyp ketken.
TJM qutqarýshylary oqıǵa ornyna kelip, jaqyn mańdaǵy eldi mekenge 4 adamdy, onyń ishinde 2 balany jetkizildi. Medıtsınalyq kómekke eshkim muqtaj bolǵan joq.
TJM júrgizýshilerge saparǵa shyǵar aldynda aýa raıy boljamyn baqylap, tótenshe jaǵdaılar úshin qajetti zattardy ózimen birge alyp júrýge keńes beredi.
Eske sala keteıik, buǵan deıin elimizde aýa raıynyń qolaısyzdyǵyna baılanysty qandaı joldar jabylǵanyn habarlaǵan edik.
