TJM qutqarýshylary bıiktigi 2630 metr taýdy baǵyndyrdy
ASTANA. KAZINFORM — Osylaısha qutqarýshylar 2600-den astam metr bıiktikte QR TJM týyn tikti, dep habarlaıdy TJM baspasóz qyzmeti.
QR Otan qorǵaýshylar kúni qarsanynda TJM qutqarýshylary Shyǵys Qazaqstan oblysy TJD bastyǵynyń orynbasary Ishar Savazovtyń basshylyǵymen Rıdder qalasy mańynda ornalasqan Ivanov jotasyndaǵy teńiz deńgeıinen 2630 metr bıiktikte ornalasqan «Úsh aǵaıyndy» taý shyńyna patrıottyq maqsatta kóterildi.
— Bul taý shyńyna kóterilý — alpınıstik daıyndyqtyń negizgi bóligi ári qıyn jaǵdaılarda qozǵalý daǵdylaryn jetildirýdiń joly. Jas qutqarýshylar bıiktikte zardap shekkenderdi tasymaldaý ádisterin, zamanaýı jabdyqtardy qoldanýdy úırenedi, — dedi TJD bastyǵynyń orynbasary Ishar Savazov.
Barlyq qutqarýshylar tapsyrmalardy sátti oryndap, 2600-den astam metr bıiktikte QR TJM týyn tikti.
Osyǵan deıin TJM tikushaǵy Ekibastuzdan Pavlodarǵa eki sábıdi shuǵyl evakýatsııalaǵany anyqtaldy.