Qutqarýshylar Almaty taýlarynda aıaǵyn syndyryp alǵan 59 jastaǵy alpınısti evakýatsııalady
ASTANA. KAZINFORM- Búgin tańerteń Almaty qalasy Medeý aýdanynda, teńiz deńgeıinen 3630 metr bıiktikte ornalasqan Myńjylqy shyńynda TJM qutqarýshylary zardap shekken alpınısti evakýatsııalady.
QR Tótenshe jaǵdaılar mınıstrligi baspasóz qyzmetiniń habarlaýynsha, 23-shi ámbebap qutqarý bólimshesine alpınızm nusqaýshysynan 59 jastaǵy er adam aıaǵyn jaraqattap alǵany jáne bıik taýly jerlerden ózdiginen júre almaı jatqandyǵy týraly habarlama kelip tústi.
Oqıǵa ornyna shuǵyl kómek kórsetý úshin 23-shi ámbebap bólimsheniń qutqarýshylar ekıpajy, sondaı-aq Apattar medıtsınasy ortalyǵynyń reanımobıli jedel túrde jiberildi. Qutqarýshylar qysqa merzim ishinde Myńjylqy shyńyna jetip, zardap shekken adamǵa alǵashqy medıtsınalyq kómek kórsetip, ony evakýatsııalady.
- Apattar medıtsınasy ortalyǵynyń reanımobıli táýlik boıy jumys isteıdi jáne Shymbulaq taý shańǵysy kýrortynyń janynda kezekshilik etedi, - delingen habarlamada.
Osyǵan deıin Aqtóbe oblysynda jolda turyp qalǵan avtobýstan 46 shetel azamaty evakýatsııalanǵany týraly jazdyq.