TJM kúnniń kúrt buzylýyna baılanysty el turǵyndaryna eskertý jasady
NUR-SULTAN. QazAqparat – Aýa raıynyń qolaısyzdyǵyna baılanysty elimizdiń Tótenshe jaǵdaılar mınıstrligi jolaýshylarǵa eskertý jasady, dep habarlaıdy QazAqparat tilshisi.
«Qazir barlyq óńirmen tikeleı baılanystamyz, bizge óńirlik Tótenshe jaǵdaı departamenti ókilderi aýa raıy men jol boıynda jaǵdaıǵa qatysty saǵat saıyn tyń aqparat usynyp otyr. Jolaýshylarǵa abaı bolýdy erekshe eskertkimiz keledi. Azamattar jolǵa shyqpas buryn «112»-ge habarlasyp, «Dármen» mobıldi qosymshasy arqyly nemese bizdiń mınıstrliktiń resmı saıtynan aqparatpen tanysqan jón. Odan bólek, joldardyń ashyq nemese jabyq ekeni jáne aýa raıyna qatysty málimetti Qazgıdromet pen QazAvtoJol mekemeliriniń resmı saıtynan bilýge bolady», - dedi T. Ýálı elordada ótken baspasóz máslıhatynda.
Sonymen qatar, TJM ókili jolǵa jyly kıim, azyq-túlik jáne baılanys quraldarymen qamdaný shyǵýǵa keńes berdi.
«Eger jol boıynda qalyp qoıǵan jaǵdaıda azamattar «112» tótenshe jaǵdaı nómirine habarlasýǵa bolady. Onda jobamen qaı jerde ekenin, qansha adam jáne kólik baryn aıtyp aıtqan soń, bizdiń mamandar shuǵyl shara qabyldaıdy. Taǵy bir mańyzdy sát uıaly telefonnyń geolokatsııasyn ajyratpaýǵa keńes beremiz. Sebebi qutqarýshylar adamdy taba almaǵan jaǵdaıda habarlasqan uıaly telefonnyń geolokatsııasy arqyly tabý múmkindigi bar», - dedi
Buǵan deıin TJM ókili jolda qalǵan 800-ge jýyq kólik pen onyń ıesi qutqarylǵanyn aıtqan bolatyn.
