TJM Qostanaıdaǵy órtti sóndirgenderdi marapattady
«Memleket basshysynyń atynan bizdiń mınıstrliktiń birqatar erekshe kózge túsken qyzmetkerlerin, Qorǵanys mınıstrliginiń, ІІM ókilderin, volonterlerdi, qoǵamdyq uıymdardy marapattaý mártebesine ıe boldym. Ózderińiz biletindeı, Qostanaıdaǵy tilsiz jaý 2 qyrkúıekte bastaldy. Qatty órt saldarynan eldi mekenderge qaýip tóndi. Ókinishke oraı, 91 úı zardap shekti, bir adam qaza taýyp, 12 adam zardap shekti. Búgin Prezıdent tapsyrmasymen turǵyn úı qoryn qalpyna keltirýge aqsha bólindi», - dedi ıÝrıı Ilın marapattaý kezinde.
Tótenshe jaǵdaılar mınıstri órt sóndirýshilerge, Qorǵanys jáne Іshki ister mınıstrlikteriniń áskerı qyzmetshileri men qyzmetkerlerine, eriktilerge memlekettik nagradalardy tabys etti. Barlyǵy 20 adam memlekettik nagradalarmen marapattaldy, sondaı-aq 48 qatysýshyǵa Qazaqstan Respýblıkasy Prezıdentiniń Alǵysy jarııalandy.
Áskerı jáne qyzmettik boryshyn oryndaý kezinde janqııarlyǵy, sondaı-aq tótenshe jaǵdaıda kórsetken erligi úshin Astana qalasy TJD Órt sóndirý jáne avarııalyq-qutqarý jumystary qyzmetiniń №5 mamandandyrylǵan órt sóndirý bóliminiń aǵa órt sóndirýshisi Aldııar Ákim, Astana qalasy TJD Órt sóndirý jáne avarııalyq-qutqarý jumystary qyzmetiniń №2 mamandandyrylǵan órt sóndirý bólimi bólimshesiniń komandıri Sultan Ahmetqalıev, TJD Órt sóndirý jáne avarııalyq-qutqarý jumystary qyzmetiniń №17 órt sóndirý bóliminiń órt sóndirýshisi Azat Ábýqalyq, Qostanaı oblysy TJD Órt sóndirý jáne avarııalyq-qutqarý jumystary qyzmetiniń №23 órt sóndirý bóliminiń bólimshe komandıri Nursultan Baǵytjanov, «Qazavıaqutqarý» AQ áýe kemesiniń komandıri Erjan Bazarov, Qostanaı oblysy TJD Órt sóndirý jáne avarııalyq-qutqarý jumystary qyzmetiniń №15 órt sóndirý bólimi bólimshesiniń komandıri Aslan Baıgóbenov «Erligi úshin» medalimen marapattaldy.
Sondaı-aq, «Erigi úshin» medali erikti Alekseı Baýerge, Qostanaı oblysy TJD Órt sóndirý jáne avarııalyq-qutqarý jumystary qyzmetiniń №21 órt sóndirý beketi bólimshesiniń komandıri Aıdos Boranbaevqa, «Qazavıaqutqarý» AQ áýe kemesiniń komandıri Aıbek Erjanovqa, Soltústik Qazaqstan oblysy TJD Órt sóndirý jáne avarııalyq-qutqarý jumystary qyzmetiniń №2 mamandandyrylǵan órt sóndirý bólimi bólimshesiniń komandıri Samat Japarovqa tabystaldy.
Aqmola oblysy TJD Órt sóndirý jáne avarııalyq-qutqarý jumystary qyzmetiniń №9 mamandandyrylǵan órt sóndirý bóliminiń aǵa órt sóndirýshisi Nursultan Joldasov, Ulttyq ulan «Ortalyq» óńirlik qolbasshylyǵynyń 5510 áskerı bóliminiń serjanty Qýanyshbek Qaıyrov, Soltústik Qazaqstan oblysy TJD Órt sóndirý jáne avarııalyq-qutqarý jumystary qyzmetiniń №18 mamandandyrylǵan órt sóndirý bóliminiń órt sóndirýshisi Almat Mahambetov, Sh. Qabylbaev atyndaǵy ІІM Qostanaı akademııasynyń starshınasy Abaı Mýsın, erikti Erbol Rahın, Astana qalasy №6 mamandandyrylǵan órt sóndirý jáne avarııalyq-qutqarý qyzmeti bólimshesiniń komandıri Ánýar Tóleýhan da «Erligi úshin» medalin aldy.
Budan basqa, «Erligi úshin» medalimen Qorǵanys mınıstrligi 31775 áskerı bólimi materıaldyq-tehnıkalyq rotasynyń traktorshysy Aleksandr Fleıtlıng, «Qazaqstan temir joly «UK« AQ órt poıyzynyń bastyǵy Murat Hasenov, Aqmola oblysy TJD Órt sóndirý jáne avarııalyq-qutqarý jumystary qyzmetiniń №2 mamandandyrylǵan órt sóndirý bóliminiń bólimshe komandıri Medet Shaısultanov, Aqmola oblysy TJD Órt sóndirý jáne avarııalyq-qutqarý jumystary qyzmetiniń №6 mamandandyrylǵan órt sóndirý bóliminiń aǵa órt sóndirýshisi Maksım Şýrıhın marapattaldy.
Esterińizge sala keteıik, Qostanaı oblysynyń Áýlıekól aýdanynda orman órti 2 qyrkúıekte boldy. Órttiń aýdany 43 myń gektardy qurady. Órtti sóndirýge Іshki ister, Qorǵanys, Ekologııa jáne tabıǵı resýrstar mınıstrlikteriniń, jergilikti ákimdikterdiń, Qazaqstan temir joly kúshteri men quraldary 2000-nan astam adam men 225 birlik tehnıka quramynda qatysty. Órtke qarsy kúres kezinde áýe kemeleri áýeden 327 ret sý shashty.
Foto: www.facebook.com/qrtjm
