TJM kóshkin qaýpi týraly eskertý jasady

ASTANA. KAZINFORM – Respýblıkamyzdyń taýly aýdandary ártúrli dárejede kóshkin qaýpin tóndiredi. Kóbinese qar kóshkini Іle Alataýy jotasynyń betkeılerinde (Almaty qalasy) jáne Altaı (ShQO) taýlarynda baıqalady. Bul týraly Tótenshe jaǵdaılar mınıstrligi málim etti.

Qystyń basy men kóktemniń basy qar kóshkini belsendi bolatyn eń qaýipti kezeńder bolyp sanalady.

Bıylǵy jyly jalpy kólemi shamamen 1,2 mln. m3 213 qar kóshkininiń ózdiginen túsýi tirkeldi. Jalpy, qazirgi ýaqytta qar bıiktigi norma sheginde nemese normadan asady.

- TJM taýlardyń betkeılerindegi qardyń turaqsyz jaǵdaıyna baılanysty qar kóshkinin boldyrmaý úshin taýlardyń qar basqan betkeılerine shyqpaýdy jáne taýlarǵa barýdan bas tartýdy usynady, - delingen habarlamada.

Almaty oblysynyń qutqarýshylary qar kóshkinine baılanysty eskertý jasaǵan edi.